پەندی پێشینان

هاوڕێیانی هۆگری فۆلکلۆری کوردی

ئەوکاتەتان باش

ئەوەش هەڵبژاردەیەکی دیکە لە پەندی پێشینانی مامۆستا شێخ محەممەدی خاڵ

ئاخیری خێر بێ! – کاوە

ئاغا چوو بۆ سەروپێ نەبوو، خزمەتکاری نارد بۆ دەست و پاڵوو

ئاغا دەست مەشۆ، نە بۆ منە و نە بۆتۆ،

ئاغا ڕۆ، خوا سوکر،

ئاغاژنی بەرچەپەرێ، باوەشێن کلکی کەرێ،

ئاغاژنی سەرچەپەرێ، پشیلەکەهات دووگەکە بەرێ، بێزی نەهات ختەکەرێ،

ئاغاو خزمەتکار لێک ڕاست بوونەوە و قوربان و قوربانی لەبیر چوونەوە،

ئافتاوە و لوولێنە کاری یەک ئەکەن، بارمتەنانیان حیسابە،

ئافرەتی تافتەخوار، پیاوی گوێ بەگوار، ساڵی دووبەهار پەسند نییە،

ئاگای لە خشەی مار و مێرووە،

ئاگای لە خشەی مار و مێرووە،

ئاگای لە مام شەهاب نییە،

ئاگای لە مەحموودی بێ زەواد نییە،

ئاگر ئەکاتەوە،

ئاگر/ئاور تەڕ و ئیشک/وشک پێکەوە دەسووتێنێ، – کاوە

ئاگر کەوتەوە، ئاگربڕ ئەکرێ،

ئاگر لە چاوی ئەبێتەوە،

ئاگر/ئاور لەچاوانی دەبارێ، – کاوە

ئاگر لەسەر پشتی بکەرەوە،

ئاگر/ئاور لەسەر پشتی دەکاتەوە – کاوە،

ئاگر لە کای کۆن بەرئەبێ،

ئاگرنەچێتە کای کۆن،

ئاگرەسوورە لەخۆم دوورە،

ئاگر/ئاوری بن/ژێر کایە – کاوە

ئاگری بەری دای لەسەری،

ئاگری پێوەنێیت بۆسۆی لێهەڵناستێ،

ئاگری/ئاوری تێبەردەی بۆسۆی لێهەڵناستێ، – کاوە

Leave a Reply

Your email address will not be published. Required fields are marked *